روزي جا مسائل

روزي جا مسائل

مسئلہ  01 : جيڪڏھن ڪوئي سحري جي وقت ننڊ کان نہ اٿي سگھيو ۽ روزي جو وقت پورو ٿي ويو تہ بغير کائڻ ۽ پيئڻ جي روزي جي نيت ڪندو.

مسئلہ 02:  روزو،آذان يا سائرن جي وڄڻ سان بند ڪونہ ٿيندو آھي بلڪہ ٽائيم سان بند ٿيندو. آذان نماز لاءِ ھوندو آھي.

مسئلہ 03: روزي جي حالت ۾ جيڪڏھن اک ۾ دوا وڌائين تہ روزو نہ ڀڄندو.

مسئلہ 04: روزي ۾ جيڪڏھن ڪنھن شخص آپريشن ڪرائي ،اھا آپريشن پيٽ ، دماغ کان علاوھ جسم جي ڪنھن حصي ھٿ،پير وغيرھ جي آھي تہ روزو ڪونہ ڀڄندو.

مسئلہ 05: روزي جي حالت ۾ انجيڪشن لڳائڻ جائز آھي روزو ڪونہ ڀڄندو.

مسئلہ 06: روزي جي حالت ۾ ڪن ۽ نڪ ۾ دوا وڌائين تہ روزو ڀڄي پوندو.

مسئلہ 07: جيڪڏھن روزيدار پنھجي گھر واري يا اجنبي عورت کي ھٿ لڳائڻ کان بغير صرف شھوت سان ڏٺو ۽ انزال ٿي پيس تہ روزو ڪونہ ڀڄندو.

اھڙي طرح روزيدار کي جيڪڏھن ننڊ ۾ جيڪڏھن غسل(تڙ) پئجي ويو تہ روزو ڪونہ ڀڄندو.

مسئلہ 08: جيڪڏھن روزي جي حالت ۾ پنھجي گھرواري سان ھٿ چراند ڪيائين تہ روزو ڀڄي پوندو.صرف قضا ڪندو ڪفارو واجب نہ آھي.

مذي ۽ وڌي جي نڪرڻ سان روزو ڪونہ ڀڄندو.

مسئلہ 09: جيڪڏھن روزيدار ڀل ۾ کاڌو يا پيتو (يعني روزو ياد نہ ھيو تہ روزو نہ ڀڄندو) پر جيڪڏھن روزو ياد اٿس ۽ وضو ڪندي گرڙي جو پاڻي نڙي کان اندر ويو تہ روزو ڀڄي پوندو .صرف قضا ڪندو.

مسئلہ 10: روزي ۾ ٽوٿ پيسٽ ھڻڻ سان سان روزو ڀڄي پوندو.

مسئلہ 11: روزي جي حالت ۾ جسم جي ڪنھن بہ حصي ۾ ٽڪو لڳائڻ جائز آھي.روزو ڪونہ ڀڄندو.

مسئلہ 12: حاملہ ۽ کير پيارڻ واري عورت پنھجي ٻار جو روزي رکڻ سان جيڪڏھن نقصان سمجھي تہ روزو نہ رکي.

مسئلہ 13: روزي جي حالت ۾ ٻئي کي رت ڏيڻ جائز آھي ان سان روزو ڪو نہ ڀڄندو،اھڙي طرح رت جي ٿيلھي ھڻائڻ سان روزو ڪو نہ ڀڄندو.

مسئلہ 14: روزي جي حالت ۾ جيڪڏھن الٽي آئي ۽ الٽي ارادي سان  اڳري ويو تہ روزو ڀڄي پوندو.

مسئلہ 15: روزي جي حالت ۾ ڏند کوٽيائين ۽ رت نڪتي ٿڪ سان گڏ رت اڳري ڇڏيائين تہ پوء ڏسبو تہ جيڪڏھن رت گھڻي آھي تہ تہ روزو ڀڄي پوندو صرف قضا ڪندو ۽ جيڪڏھن رت گھٽ آھي ٿڪ گھڻي آھي تہ روزو ڪونہ ڀڄندو.

مسئلہ 16: روزي جي حالت ۾ ڏند يا ھوڙ ڪڍرايائين پوء جيڪڏھن رت نڙي جي اندر وئي تہ روزو ڀڄندو،جيڪڏھن اندر نہ وئي تہ روزو ڪونہ ڀڄندو.

 

المصدق

مفتي علي حسن ٻرڙو

خطيب

مرڪزي جامع مسجد ٺل

0300-3366482                    

0345-3983358